ХҮҮДЭЭ БАС ОХИНДОО БЭЛЭГЛЭХ ХАМГИЙН САЙХАН БЭЛЭГ БЭЛЭН БОЛЛОО
"Хүүгийн минь дурлах бүсгүйд илгээх захидал", "Охины минь дурлах залууд илгээх захидал"-уудыг хүмүүс интернэтээс хуулж аваад, цаасан хувилбараар ханандаа хадах, өөрсдөө гар зураг чимэглэлээр гоёод охид, хөвгүүддээ, ирээдүйн бэр, хүргэндээ бэлэглэх зэргээр чамгүй нандигнан түгээдэг тухай захиа зурвас их ирдэг.

Зохиогчийн хувьд эх хүн бүрийн үрдээ захиж хэлэх гэсэн эдгээр нандин үгсийг ИЛ ЗАХИДАЛ болгон түгээх нь зүйтэй юм байна гэсэн шийдэлд хүрлээ. Тиймээс хэний ч өмнө нүүр улайхааргүй гоёмсог, нандин бэлгийн нэгэн болж цөөхөн хувиар хэвлэгдэн гарчээ.

Хос захидал маань гар ажиллагаагаар хийгдэж байгаа тул маш цөөхөн хувь хэвлэгдэж байна. Үнэ 10000 төгрөг. Сонирхсон хүмүүс 91913557 дугаар луу холбогдох буюу фэйсбүүкийн чаатаар /https://www.facebook.com/kh.bolorerdene/ тоо ширхэгийнхээ захиалгыг өгөөрэй.

"Хүүгийн минь дурлах бүсгүйд илгээх захидал" 50 ширхэг
"Охины минь дурлах залууд илгээх захидал" 50 ширхэг

 

Ажил тарахаас өмнө амжиж зарлах зар байна аа...

Ирэх ням гаригт буюу 11-р сарын 10-ны өдрийн 14 цагаас Улаанбаатар их дэлгүүрийн 4 давхарт байрлах МИР номын дэлгүүрт яруу найрагч Б.Эрдэнэсолонгын "Ирээдүйн дурсамж" номын гарын үсэгтэй худалдаа явагдахаар болсон тухай мэдээ ирлээ. Номын нээлт хийгдээгүй байгаа тул энэхүү өдрийг яруу найрагт дуртай хүмүүстэйгээ баяртай уулзах өдөр хэмээн ойлгож байна. Сонирхсон хүмүүс ням гаригт Улаанбаатар их дэлгүүрийг зориорой.

"Ажил тарахаас өмнө амжиж зарлах зар байна аа..." цааш унших »
Итгээгүйдээ биш, дэндүү итгэсэндээ хөндүүрлэдэг юм
МЗЭ шагналт зохиолч Б.Эрдэнэсолонгын "Ирээдүйн дурсамж" нэртэй шинэ ном худалдаанд гарлаа.   -Номонд “оршил” бичих том юм. Би зүгээр л нэг бодрол бичсүү-
...Цонх нэвтлэн өглөөний нар тусна. Ямар эгэл энгийн бэ? Тийм тусмаа сэтгэл хөдөлгөнө. Нар тусах сайхан. Өглөө бүр нар тусах ч хүн түүнээс уйдсан нь үгүй. “Түүнээс уйсдаггүй чанар хаанаа байна?” гэх зуур “Хачин юм бодоод” гэж өөрийгөө шоолно. Гэвч тэр агуу хурц гэрэл, тал бүр лүүгээ асгаран цацрах туяа нь сэтгэл хоргодуулах, нэг тийм үнэнийг биед шингээнэ. Бас дулаахан илч нь өөртөө татна.
Тэндээс амьдрал ургах мэт сэргэдэг. Нар мандах бүр ч сайхан. Би нарны дор амьдардаг эгэл хүн. Хүн хүний сэтгэлд нар байдаг. Үг гэдэг гэрэл байдаг. Хүний гэрэл үгээр гадагшилдаг. Ямар өнгөтэй, ямар гэрэл гардгийг үг өөрөө “хэлдэг” гэж бодогдоно. Үгийн өнгө гэрлийг ялгадаг хүнийг дотроосоо гэрэлтдэг хүн гэж хэлдэг. Тийм гэрэлтдэг үгээр шүлэг, найраг бичдэг. Яг нар тусаж байгаа юм шиг... Нар мэт илчтэй нэгэн найрагч хүүтэй билээ, би.

*** *** ***

"Итгээгүйдээ биш, дэндүү итгэсэндээ хөндүүрлэдэг юм" цааш унших »
Хайр ийм өнгөтэй /шинэ дуу төрлөө/
http://www.youtube.com/watch?v=zw1oTBviTfE МУГЖ Т.Ариунаагийн дуулсан бас нэгэн шинэ дуу төрлөө. Ая МУУГЗ Л.Балжав Үг Х.Болор-Эрдэнэ


Хайр ийм өнгөтэй
1.
Хүлээсэн сэтгэлд гэрэл татсаар
Хүсэл минь итгэлийг хөглөнө өө
Айсуй зөн зүүдэнд амилна
Амьдрал ийм өнгөтэй.
2.
Ганцаардлын цаана аз жаргалан бий
Уй гунигийн цаана инээмсэглэл ч бий
Харанхуйн цаана үүрийн гэгээ бий
Хайр ийм өнгөтэй.

"Хайр ийм өнгөтэй /шинэ дуу төрлөө/" цааш унших »
Б.Эрдэнэсолонго: “ Бурхан төрсөн газраа хүндгүй “ гэдэг шиг бид байгаа бүхнээ огт хайрладаггүй
    Блогоо архив маягаар ашиглах цаг ирнэ гэж хэн санах билээ. Архивлаад л байхаас даа... Банжиг минь, банжигчид минь, хаагуур гүйлдээд байдаг юм бол доо гэж...   Б.Эрдэнэсолонго: “ Бурхан  төрсөн газраа хүндгүй “ гэдэг шиг бид байгаа бүхнээ огт хайрладаггүй МЗЭ-ийн шагналт яруу найрагч Б.Эрдэнэсолонгыг “Дугаарын зочин”-оор урьж уран бүтээл, гэр бүл хийгээд цаг үетэй холбоотой асуудлаар ярилцсан юм.

-Таны “Мэдрэмжийн үдэш” яруу найргийн уулзалт их сонин, содон болж өнгөрсөн. Магадгүй тэр өдрийн мэдрэмжээр яруу найрагт дурлагсад болон өвчлөгсөд ганцхан орой биш олон үдэш хөглөгдсөн байх?
-“Мэдрэмжийн үдэш”-ээр яруу найраг шиг хэрэггүй, яруу найрагч шиг үнэгүй зүйл байхгүй гэсэн хэвшмэл хандлага, ойлголтыг өөрчлөхийг зорьсон. Энэ уулзалтад цөөн хүн ирнэ гэж тооцож байсан. Гэтэл бодсоноос олон хүн ирсэн. Тодорхой хэмжээний такс төлж нэг үдшийг өөр орчинд өнгөрөөхийг урьсан юм. Шүлэг уншиж, дуу дуулан, төгөлдөр хуур эгшиглэсэн их аятайхан үдэш болсон. Арай өөр мэдрэмжийг хүмүүст өгсөн байх.

-Уг нь та ч, таны эхнэр ч тэр бүр олны өмнө тэр тусмаа тайзан дээр гараад байдаггүй. Харин сүүлийн үед энэ хэв маягаа эвдэхээр шийдэв бололтой. Таны эхнэр, зохиолч Х.Болор-Эрдэнэ найзуудтайгаа “Хаврын урилга” тараагаад байсан?
"Б.Эрдэнэсолонго: “ Бурхан төрсөн газраа хүндгүй “ гэдэг шиг бид байгаа бүхнээ огт хайрладаггүй" цааш унших »
"Мэдрэмжийн үдэш" мэдрэмж хөглөлөө
“Мэдрэмжийн үдэш” нэртэй өвөрмөц оройг өнгөрүүллээ. Монголын зохиолчдын эвлэлийн шагналт зохиолч, яруу найрагч Б.Эрдэнэсолонгоор хаягласан энэ үдэш яруу найрагт дуртай, түүний шүлгүүдийг шимтэн уншдаг залуус цугларан анд нөхдийн халуун яриа, дурсамж, шүлгийн айзам хэмнэлийг “амьд”-аар нь сонсч мэдрэн, инээдтэй хөгжилтэй, энгийн дотно, эрүүл үдшийг хамтдаа өнгөрүүлсэн юм. Яруу найрагч Б.Эрдэнэсолонго “Гүзээлзгэний амьдрал”, “Зун шиг”, “Ихэл хатны найман цагаан домог” номуудаа хэвлүүлж олны хүртээл болгож байсан нэгэн. Түүний даруу төлөв зан, энгийн дотно гэр бүлийг уран бүтээлд нь дуртай уншигчид андахгүй. Хэзээ ч тайзан дээр гарч чанга дуугарч байгаагүй түүний бүтээлд дуртай олон уншигч цахим ертөнцөөр зарлан дуудсан “Мэдрэмжийн үдэш”-ийн урилгыг нь хүлээн авч хүрэлцэн ирсэн байсан юм. Б.Эрдэнэсолонгын багын найз, дотны анд “Нисванис” хамтлагийн ахлагч Л.Энх-Амгалан, найрагчийн гэргий МЗЭ шагналт зохиолч Х.Болор-Эрдэнэ нар энэ үдшийн гол зочид байлаа. “Номын ертөнц” нэвтрүүлгээс санаачлан зохион байгуулсан энэ бяцхан арга хэмжээ хэлбэрийн хувьд ч, яруу найргийн үнэ цэнийг мэдрүүлж, мэдрэмж хөглөх талаасаа ч тэр цоо шинэ, дахин үзүүштэй үдшийг ирсэн бүх хүнд бэлэглэж чадсан юм.


""Мэдрэмжийн үдэш" мэдрэмж хөглөлөө" цааш унших »
Памперсны хүүхэд
Хавьд блог руугаа шагайсангүй.Ямартай ч нэг бичлэг оруулчихъя. Фэйсбүүкт эргэлдсээр байгаад энд нэг байшинтайгаа мартчихаад байх юм. Аноним нартаа амаа ангалзуулах боломж олгоё доо, энэ чинь ккккк.
  Памперсны хүүхэд Орчин цагт памперс гэж сайхан зүйл гарчихаж. Хүүхэд ядаж л байнга нойтогноод байхгүй юм. Бас даавуу угаах төвөгтэй гэмээр ажлаар эцэг эхчүүд цагаа үрэхгүй амар юм. Гэсэн ч памперснаас гараагүй хүүхэд шиг хэцүү зүйл гэж бас байхгүй юм гэнэ. Уйлсан ч, идсэн ч, инээгээд зогсож байсан ч савируулж л байна. Хөтөвч гээчийг хараад ч учрыг нь олохгүй бяцхан хүүхдээ ээж, аав нар памперснаас нь салгах гэж хэсэг л юм болно. Гаргаж чадвал бараг л бие даах шахам юм болно. Гэр оронд том хувьсгал гарсан дайтай юм болно. Цаг үеэ дагаад ч тэр юм уу насаараа памперсны хүүхэд шиг амьдардаг нөхдүүд олширч. Нэг бол багшийн тавьж өгсөн нэг удаагийн памперсыг солилгүй насыг барна. Үгүй бол ээж, аавынхаа олсон бүхнийг солионы памперсанд үрнэ. Бүр болохооргүй бол олдсон юмаараа өтгөн шингэнээ арчиж амьдарна.

Оюуны ялгадас гэж нэг зүйл байх. Тэр нь хаа нэгтэйгээс олж наалдсан тархины саарал манангаа өтгөрч, бүр эвгүй үнэртэй шингэн болон гадагшлах дээрээ тултал нь зуурч зунгааралдуулан амьдарна. Ямар ч агаар байхгүй гэсэн үг. Тийм мананг анхлан голцуу дулимагхан мэдэгдэхүүнтэй багш нар суулгасан байдаг. Тэднийг харж дуурайж өссөн хүүхдүүд нөгөө мунхагдуу багшийн бусдын бүтээлийг сайтар сэглэн хуулах тухай лекцийг, эсвэл тэрс үзэл нэртэй далий мурий бодлуудаараа бусдаас цойлж харагдах гэсэн болхидуухан арга барилыг нь өөртөө шингээж авдаг. Тэд хэзээ ч өөрийн гэсэн арга барил, үзэл бодол, амьдралын гэрэл гэгээг олж харах нүдгүй болчихож байгаа юм. Ийм хүмүүст солих памперс их л үгүйлэгдэнэ. Үзэл бодол гэдэг хөдлөшгүй зүйл биш. Үз, дараа нь бод гэсэн утга. Харин мөнөөх памперсны хүүхэд анхнаасаа хөтөвч хэрэглэж сураагүй учраас үзээд ч, бодоод ч учрыг нь ухахгүй. Бүр сүүлдээ эвгүй үнэртээ дасч, түүгээрээ бахархаж, бараг л гайхуулах маягийн амьтан хийсч эхэлнэ.

Памперсныхаа энд тэндээс хальж гарсан өтгөн шингэнээ арай гялалзаж гялтганасан юманд аваачиж нялахсан гэсэн адын хүсэл хүн л юм болсон хойно тоймгүй их оволзоно. Өөрөө ойлгохгүй байгаа ч дотроо бол цэвэрших, ариусах гэсэн далд хүсэл л дээ, уг нь. Гэхдээ түүнийг өөрөө угаагаад цэвэрлэчих гэх биш угаасаа памперс зүүж амьдардаг болохоор аль болохоор тэр чигээр нь барьж аваачаад нэг газар үрээд, нялаад орхичих юмсан л гэж бодоод байна.


"Памперсны хүүхэд" цааш унших »
Өр зураад л, гол зураад л...
Үнэндээ онлайнд орохоос айдаг болчихож. Яг хөндлөнгөөс харжээ суухад тэнд зүгээр л тархины гажуудал, сэтгэцийн жаахан хазгайралтууд дүүрэн байгаа мэт санагдах болсныг нуух юун. Боссон суусан, унтсан хэвтсэн, идсэн уусан, гомдсон хорссон хүний араншингууд дүүрэн... Жаахан хатуу хэлж буй бол өршөөгөөрэй. Өөртөө ч гэсэн хөндлөнгөөс дүгнэлт хийгээд хийрхсэн гэдгээ хүлээн зөвшөөрөхөөс өөр арга алга. Хийрхчихсэн байж. Хийрхсэндээ хэтийдэх шахаж гэж л бодож сууна. Амьдрал минь амгалан сайхан байхад юунд тийшээ орж алсан талсан, хүчирхийлж дээрэмдсэн, улстөржиж хийрхсэн, нэгнийгээ барьж идсэн, химлэсэн зүйлс уншиж зүгээр байсан зүрх сэтгэлээ өвтгөж, нервтэж суусан байна аа гэж гайхна. Атаа жөтөө гээч айхтар муухай зүйл чив чимээгүйхэн гэтэж хүрч ирээд ар шилэн дээр дарж нугасладгийг анзаарав. Амсав. Хүмүүс зарим нь хутга мэс бариад нэгийгаа алж байхад зарим нь зүгээр л кейбордны хэдэн товчоор хүн алж, бусдын амьдрал нэр хүндийг шавхайд хутгаж суудгийг гэнэт анзаараад улам их аймсав. Учиргүй цочив. Хүүхдүүд хүртэл нэгнээ үсдэж чирээд, хөгийн муухай үгсээр доромжлон гутааж байгааг хараад баахан балмагдав. Барьц алдав.
"Өр зураад л, гол зураад л..." цааш унших »
Амьд гэгээн буюу асар их өглөгийн эзэн
Хүндлэл...Ухаарал...
Амьд гэгээн  Болгар улсад байдаг Гэгээн Александр Невскийн сүмийн хажууд өөрөө оёсон хувцас өмссөн, эртний хийцийн арьсан гуталтай 98 настай Добри өвөөтөй тааралдаж болно. Өдөр болгон өвөл зун, хүйтэн халуун, нартайд бороотойд тэр өглөө эрт босон, төрөлх Баилово тосгоноос нийслэл Софиа хүртэл 43 км замыг туулан ирдэг. 2010 онд Александр Невскийн сүмийн талаар баримтат кино хийх үед , болгарын ТВ-ийн нэг сэтгүүлч сүмийн архивыг ухаж байгаад гайхмаар нээлт хийжээ. Сүмд зориулсан хамгийн өгөөмөр хандив болох 52 000 ам. долларыг гуйлга гуйдаг өвөө Добри өгсөн байв. 98 настай өвөө түүнд өгж байгаа хүмүүсийн өглөгийн нэг ч зоосийг өөртөө зориулдаггүй байна. Тэр өөрийн тэтгэвэр болох 75 евро болон олны өгдөг талх жимс хүнсний зүйлсийг хэрэглэж амьдардаг. Добри өвөө өндөр настай гэдгээ бодолгүй чадлаараа олон хүнд тусалдаг. Жишээ нь тог дулаанаа төлж чадахгүйгээс болж хаагдах гэж байсан хүүхдийн асрамжийн газрын бүх төлбөрийг хийжээ. Олсон мөнгөө орон байргүй ядарсан хүмүүст дэм болгож цуглуулан өгдөг байна. Түүний хийсэн бүх сайхан үйлсийг хэн ч мэдэхгүй яагад гэвэл өвөө нэг ч удаа энэ талаар ярьдаггүй. Гэхдээ хүмүүст өгдөг түүний хамгийн том бэлэг бол бусдад үлгэр жишээ болон үзүүлж байгаа өгөөмөр сайхан сэтгэл, хүнлэг ховор хайр юм.  http://bg.wikipedia.org/wiki/Дядо_Добри  Илүү ихийг сонирхмоор байгаа бол хуудсан дээр like дараарай http://www.facebook.com/pages/Үзэсгэлэнтэй/378786168874455

Амьд гэгээн

Болгар улсад байдаг Гэгээн Александр Невскийн сүмийн хажууд гараар оёсон хувцас өмссөн, эртний хийцийн арьсан гуталтай 98 настай Добри өвөөтөй тааралдаж болно. Өдөр болгон өвөл зун, хүйтэн халуун, нартайд бороотой алинд ч тэр өглөө эрт босон, төрөлх Баилово тосгоноос нийслэл Софиа хүртэл 43 км замыг туулан ирдэг.
2010 онд Александр Невскийн сүмийн талаар баримтат кино хийх үед, Болгарын ТВ-ийн нэг сэтгүүлч сүмийн архивыг ухаж байгаад гайхмаар нээлт хийжээ. Сүмд зориулсан хамгийн өгөөмөр хандив болох 52 000 ам. долларыг гуйлга гуйдаг Добри
өвөө өгсөн байв.

"Амьд гэгээн буюу асар их өглөгийн эзэн" цааш унших »
Амь+д+р+л /өгүүллэг/
Элсэлтийн болон хаврын шалгалтанд бэлдэгчдийн хүсэлтээр:

Амь+д+р+л /өгүүллэг/

Амиа бод. Хувиа хичээ. Өөрийгөө хайрла. Намайг март. Гунигла. Гашууд. Өвдөлтийг мэдэр. Чи амьд АМЬ. Хорсож зана. Амьгүй хүмүүст автаж амиа өгөх хэрэггүй. Тэд чамруу ноцож байна. Учир нь чи АМЬД. Зөвхөн өөрийнхөө ертөнцийг цогцлоо. Өөртөө дурла. Өөрийгөө хайрла. Бас үзэн яд. Чамд энэ бүхэн таалагдана. Тэгээд хувилж болохгүй хувь болон АМЬДАР. Харанхуйгаас харанхуйд зорчих энэ л замд чи гэрэл болон ирсэн. Салхинд савчих өнчин цамхагийн гэрэл. Чи хүн. Тэр гэрэлд тэмүүлсэн бүхнийг шатаа. Зайлшгүй ирэх үхлийн хүйтэн бороонд чи өөрөө ч өртөх болно. Тэгээд гүн харанхуйд удахгүй шингэнэ. Энэ бүхэн чинийх. Эргээд хар даа. Чи өөрөөрөө АМЬДРАЛ гэж бичсэн байна.

(Х. Болор-Эрдэнэ "Би, Бид хоёр" өгүүллэгийн түүвэр, 70 дахь тал)

Агуулга:

Амь байж байж бид амьдын тухай, үхэхийн тухайд бодож болно. Бүх зүйлсийн өмнө би ертөнц буюу амь хэмээх нэгж тавигдана. Чи байхгүй бол амьдралын тухай том ойлголт чиний хувьд үгүй.

"Амь+д+р+л /өгүүллэг/" цааш унших »
Юм л оёод байгаа...

Юм л оёод байгаа. Оёдлынхоо гогцоо бүрт он цагийг бөхлөн хадаж байна. Юм л оёод байгаа. Орж гарах зүүнийхээ мөнгөлөг туяаг ширтэн ширтэн олон чухал зүйлсээ бодож амжаад байгаа. Дурсамжаа хөглөн байх зуураа мартсан заримаа сэргээн санаж байгаа. Дуусгалгүй үлдээсэн зохиолуудынхаа баатруудтай дуу аялан элдвийг ярилцаж байгаа. Дундуур нь самран орж ирэх дүрсгүйхэн охиноо өвөр дээрээ эрхлүүлэн түр завсарлаж, дүнхийх Богд ханыхаа оргилыг зуурхан ширтчихээд суниаж байгаа. Юм л оёод байгаа. Бодлын гүн лүү шургалан тухлаад болж өнгөрсөн бүхнээ нэхэн санаж байгаа. Бор шувуу шиг бяцхан үрсийнхээ бойтогны хонхны жингэнэх дууг болж өгвөл зүрхэндээ гүн шигтгэж байгаа.

Шигтгэж оёсон утас бүхэндээ шийдмэг татсан хүслийн учигаа шингээж байгаа. Сэмхэн өндийж орчиноо харчихаад л сэтгэлийнхээ аглагт тухалж байгаа. Саваагүй зарим бодлыг үргээх сануулга болгож хурууныхаа  өндгийг зүүгээр хатгачихна. Сайн сайхан, гэрэл гэгээ бүхнээ сар жилүүдийн уртад ч үл ханзрахаар бөхлөн оёсон учиг бүртээ шингээж байгаа. Юм л оёод байгаа, найз нь...

Өс зангидах үзэл монгол хүний зан биш
Бид чинь яг л тал нутаг шигээ уужуу тайван зантай улс. Эртнээс шүү дээ. Ах дүү, садан төрөл, аймаг хошуугаараа эв найртай, аливаад уужуу тайван хандаж ирсэн хүмүүс. Монголчуудыг ямар нэгэн зүйлд хөдөлгөж босгох амаргүй гэдэг.

Тиймээс ч дотоодын асуудалдаа бол үргэлж айвуу тайвуу "Болно доо, бүтнэ дээ", "Санаж явбал бүтнэ, сажилж явбал хүрнэ" гэсэн сэтгэлээр л ханддаг байжээ. Биднийг эрэмшүүлэн босгох нэг л арга бий. Энэ бол нутаг усыг нь цөлмөж, уул талыг нь эзлэн түрэмгийлэх. Ийм л хурц асуудал биш бол монголчууд тэгтэлээ бороохой шийдэм болоод айл саахалтынхаа монгол ахан дүүс рүүгээ довтлоод байх нь үгүй. Хаадын тэмцлийг эс тооцуул шүү дээ. Хэзээ байхдаа монгол хүн саахалт айлынхаа үр хүүхэд, мал хуйг адлаад шахаад, хөөж туугаад байлаа даа. "Хөх тэнгэр байгаа цагт хүний сэтгэл амарлингуй" гэж итгэж, хүмүүжиж ирсэн монголчууд өнөөдөр нэг л биш ээ. Хажуу хаалганыхаа хүүхэнтэй таарсан ч хялан цэхэн хийгээд л... Илүү үнэтэй машин уначихсан байсан ч өлөв долов хийгээд л... Өөрөөс нь жаахан л ондоо харагдвал барьж идчих гээд л... Үгүй, бүр яг адилхан байсан ч тасдаж хаячих гээд л байх болж. Хэдэн өдрийн өмнө машины зогсоол дээр зогсчихоод хүмүүсийг ажиглаж суулаа. Тэр зогсоолын дундуур хоёр машин зөрж хүрэхгүй багахан зай байгаам л даа.
"Өс зангидах үзэл монгол хүний зан биш" цааш унших »
БАНЖИГ ДАХИН НЭЭГДСЭНД БЛОГЧНЫ ХУВЬД БАЯРТАЙ БАЙНА

ЭНЭХҮҮ БЛОГИЙГ ШАЛГАЛТ НЬ ДӨХСӨН ДҮҮ НАРТАА, ШААРДЛАГАТАЙ МЭДЭЭЛЛИЙГ ХАЙЖ БУЙ БАГШ НАРТАА ЗОРИУЛАН НЭЭЛТТЭЙ ҮЛДЭЭЛЭЭ. БУСАД БҮХ БЛОГИЙГ УСТГАСАН БОЛНО. "ӨГҮҮЛЛЭГ" НЭРТЭЙ ШОШГОН ДОТРООС ХЭРЭГТЭЙ ӨГҮҮЛЛЭГҮҮДЭЭ ОЛЖ УНШААРАЙ. ТУУЖ ШОШГИНД "ХИШИГТ" ТУУЖ БҮРЭН ЭХЭЭРЭЭ ХАДГАЛАГДСАН БАЙГАА. ШААРДЛАГАТАЙ БОЛ http://www.facebook.com/kh.bolorerdene ФЭЙСБҮҮК ХАЯГААР ЮМ УУ, atuulai@yahoo.com ХАЯГААР ШУУД ХОЛБОГДОЖ, ИЛҮҮ МЭДЭЭЛЛИЙГ АВЧ БОЛНО.

 

ЖИЧ: БАНЖИГ ДАХИН НЭЭГДСЭНД БЛОГЧНЫ ХУВЬД БАЯРТАЙ БАЙНА. БАНЖИГИЙН БҮХ НАЙЗУУДДАА ХАВРЫН МЭНДИЙГ ХҮРГЭЕ. УУЛЗАЛГҮЙ ИХ УДЖЭЭ.

ХАВРЫН УРИЛГА-АА АВААРАЙ

"ХАВРЫН УРИЛГА-АА АВААРАЙ" цааш унших »
БҮСГҮЙЧҮҮЛЭЭ БАЯРЛУУЛАХААР НАЙРАГЧ ХӨВГҮҮД НЭГДЛЭЭ
Шинэ мянгантай уралдан бүтээлээ дэлгэж, шүлгүүдээ уншиж, утга зохиол, яруу найргийн амт шимтэнд эргэлтгүй дурласан залуус маань "Шинэ мянган" утга зохиолын нэгдлийг үүсгэн байгуулаад байгаа билээ. Бид аливаа талцалдаан, тэмцэлдээн, сөргөлдөөнөөс холуур байж, зөвхөн хоёргүй сэтгэлээ бүрэн өгсөн утга зохиол, яруу тансагийн ертөнцдөө амар амгалан цуглан хөөрөлдөж, бүтээл туурвилаа бүхий олондоо өргөн барихаар хэлэлцэн тогтсон юм.

Бидний ажлын эхлэл эрчүүдийн маань "Төгөлдөр гоо" нэртэй бүсгүйчүүддээ өргөн барьж буй тоглолтоор эхэлж байгаа билээ. Та бүхэн тоглолтын зарыг таалан соёрхоно уу. "Төгөлдөр гоо" тоглолт энэ сарын 9-нд Тусгаар тогтнолын ордонд болно.


"БҮСГҮЙЧҮҮЛЭЭ БАЯРЛУУЛАХААР НАЙРАГЧ ХӨВГҮҮД НЭГДЛЭЭ" цааш унших »
Намайг хүлээсэн эх орон бий /тун удахгүй/
Б.Баярцэцэгийн дуулсан дахин нэг шинэ дуу маань яг одоо төрж байна. Тэсэлгүй хар зургийг чинь чирээд ирлээ. Таалан болгооно уу, андууд.   Эндээс сонсоорой: http://youtu.be/pxaaz0utpNw   1. Цээж дүүргэх агаартай
Цэцэгт талаа санахад
Сэмхэн урсах нулимс минь
Сэтгэлийн нууранд тунарна.
Хээрийн бүлээн салхиа
Үгүйлж сэм гунихдаа
Хүний нутгийн тэнгэр доор
Хоног тоолон бүдчинэ.


"Намайг хүлээсэн эх орон бий /тун удахгүй/" цааш унших »
Банжигийн андууд уучлаарай

Блогоо шинэчлэхгүй байгаад уучлаарай андууд. Бас айл амьтанаар хэсэхгүй байгааг минь өршөөгөөрэй. Банжиг маань байн байн гацаад, яг сайхан тухлах гэхээр нэвтэрч чадахаа байчихаад байх юм. Ямар сайндаа гэнэдүүлж байгаад шөнөөр тухлахав.

Юутай ч өнөө шөнө нэг өргөө гэрийнхээ үүдийг дэлгэж, салхи савир оруулаад орхиё. Хэлэх ярих юм гөө мөн ч их байнасанж. Өглөө үдшийг ялгахгүй, үлгэн салган юм шогшиж, өвөр дээрх үнэт эрдэнэстэйгээ шүүг шааг шүжиг шажиг гэж байтал өдөр барагдчих юм.

Удахгүй "Хишигт"-ийн араас түүчээлэх нэг шинэ зохиолоо түүчээлэн оруулах санаа байна. Тэр болтол сэтгэл хөдлөлөө цэгцэлж байлгүй болохгүй нь. Юутай ч бүгдэд нь хаврын мэнд хүргэе. Би нь бичсээр л байгаа шүү.

Диваажингийн хоригдол нь...

"Зүүдэнд ч оромгүй явдал" нэртэй уулзалт

Миний анхны "Нүцгэн шөнө", "Зүрхэнд үйлдвэрлэв" номууд өдрийн тэмдэглүүдээс минь бүтэж байлаа. Сэтгэлийн минь илүүдсэн, дутуудсан хэсгүүдийг өдрийн тэмдэглэл нөхөж, танаж чаддаг байсан юм. Ганцаардахад хань болж, баярлахад аз жаргалыг минь хувцаалцаж, гуниж гутрахад зүг чигээ олох арга замыг заадаг байсан өдрийн тэмдэглүүдээ би одоо ч хөтлөсөөр байгаа. Тиймээс хаа явсан, очсон газраа хүүхдүүдийг өдрийг тэмдэглэл хөтлөхийг уриалдаг. Энэ нь хүүхдийг бичих, ярих, цэгцтэй бодох чадвартай болгодог. Өчигдөр хийсэн уншигчдын уулзалтаас бид "Хүүхдүүдийг өдрийн тэмдэглэл хөтөлж байхыг уриалъя" гэсэн нэгэн саналтай тарцгаасан юм. Тиймээс энэ санаачилга, уриалгыг дэмжээрэй хэмээн олон эцэг эх, багш сурагчдаас хүсмээр байна.

"Өдрийн тэмдэглэл бидний өнгөрч буй дурсамжуудыг маань тамгалж үлдээдэг дурсгал бичиг юм".
 
Хүндэтгэсэн зохиолч Х.Болор-Эрдэнэ

""Зүүдэнд ч оромгүй явдал" нэртэй уулзалт" цааш унших »
НЭГ Л ДОТНО... САЙХАН ШИНЭЛЭЭРЭЙ

Од хаяалан боссон ээж цайгаа чанах дотно
Орох гарах чимээ нойр үргээх дотно
Аав хааяа нэг ханиаж, тамхиа нэрэх дотно
Ах дүүс гоёлоо өмсөөд манайхыг зорих дотно.
Нар угтан мөргөөд, мөрөө гаргах дотно

"НЭГ Л ДОТНО... САЙХАН ШИНЭЛЭЭРЭЙ" цааш унших »
Ханийнхаа фэйсбүүк хуудсан дээрээ оруулсан энэ сайхан тэмдэглэлийг хуваалцахгүй байж чадсангүй
http://www.facebook.com/photo.php?fbid=413653182046597&set=a.409861245759124.98036.409852599093322&type=1&theater&notif_t=photo_comment   Эхнэрээ рекламдлаа гэж бодож байж магад. Гэхдээ түр "Аан" гэж байгаач...

Энэ эмэгтэй намайг хүнийхээ хувьд төдийгүй бичгийн чадвараараа үргэлж гайхуулж ирсэн юм. Зохиолчид голцуу нэг л хэлбэрээр дагнан бичсээр байдаг. Харин Х.Болор-Эрдэнэ яг л хамелеон шиг ямар ч өнгөнд хувьсаж чадаад байдагт нь нэг бодлын "атаархмаар" санагддаг. Би саяхныг хүртэл энэ чадварт нь эргэлзэж байснаа нуух юун. Гэтэл он гарахын өмнөхөн бичиж дуусгасан түүхэн зохиолыг нь уншиж дууссаныхаа дараа дээрх бодолдоо бат итгэхээс өөр аргагүй болов. Яг л 13-р зуунаар зугаалж, тэр үеийнхний дээдсийн хэлээр ярьж, орднуудын доторх хов жив, нууц хуйвалдаануудын золиос болж байгаад ирсэн мэт хөндүүрлэсээр толгойгоо өргөсөн юм. Хүнд хурдхан хүргэхсэн гэж яарч л байна.


"Ханийнхаа фэйсбүүк хуудсан дээрээ оруулсан энэ сайхан тэмдэглэлийг хуваалцахгүй байж чадсангүй" цааш унших »
(Нийт: 233)